ទីបំផុត! វីដេអូអប់រំខ្លីទាក់ទង់និង«ល្ខោនខោល» របស់ តាន់ គីមសួ ចេញហើយ! តោះទស្សនាទាំងអស់គ្នា(មានវីដេអូ)

ភ្នំពេញ៖ កាលពីពេលថ្មីៗនេះ ល្ខោនខោល បានកំពុងក្លាយជាប្រធានបទក្តៅនៅលើបណ្តាញសង្គម ដោយគេសង្កេតឃើញថានៅលបណ្តាញសង្គមហ្វេសប៊ុកមានបងប្អូនកូនខ្មែរយើង បានសម្តែងការព្រួយបារម្ភខ្លាចបាត់បងទៅទឹកដីសៀម ហេតុនេះបានធ្វើឲ្យពួកគេនាំគ្នាចែកចាយបន្តគ្នានូវរូបភាពអំពីល្ខោនខោល និងវីដេអូទាក់ទងនឹងល្ខោនខោល ដោយហេតុថានៅ ចុងឆ្នាំ២០១៨ នេះ​អង្គការ UNESCO នឹងសម្រេច នៅវាសនា ថាតើប្រទេសខ្មែរ ឫក៏ថៃ ដែលជាម្ចាស់ របស់ល្ខោនខោល។

ស្របពេលនេះអ្នកដឹកនាំសម្តែងរឿងអប់រំខ្លីល្បីនៅលើបណ្តាញសង្គម លោក តាន់ គីមសួ បានផលិតវីដេអូមួយដែលទាក់ទងនៅល្ខោនខោល ដើម្បីបំផុសបន្ថែមឲ្យកូនខ្មែរយើងចេះឲ្យតម្លៃនិងស្តាយស្រណោះចំពោះសម្បត្តិដូនតាដែលបន្សល់ទុកឲ្យ។

ក្នុងនោះលោកបានសរសេរនៅលើបណ្តាញសង្គមថា«តាមពិតទៅ UNESCOបានសម្រេចដាក់ល្ខោនខោលខ្មែរយើងចូលជាបេតិភណ្ឌពិភពលោករួចបាត់ទៅហើយ ពួកយើងគ្រាន់តែឆ្លៀតយកឪកាសល្អនេះដើម្បីបំផុសបន្ថែមឲ្យកូនខ្មែរយើងចេះឲ្យតម្លៃនិងស្តាយស្រណោះចំពោះសម្បត្តិដូនតាដែលបន្សល់ទុកឲ្យតែប៉ុណ្ណោះ។ ខុសទាស់យ៉ាងណាអាចដាក់ទោសខ្ញុំ Tan Kimsour ជាអ្នកផ្តើមគំនិតនិង អាចារ្យធំ នគររាជបានទៅតាមផ្លូវច្បាប់ពីបទប្រមាថមើលងាយវប្បធម៌ខ្មែរ ពួកយើងនឹងចូលខ្លួនដើម្បីប្រឈមមុខជាមួយច្បាប់ដោយក្តីពេញចិត្ត អ្នកផ្សេងគឺគ្មានការពាក់ព័ន្ធដាច់ខាត។»